هذا الحنين البيه هم تحسه ؟
تذكرني ؟ لو لحگت رأسن تنسه ؟
شوگك ! لهفتك ! غيرتك ! متغيرات؟
حاچيني گلبك نفسه لو مو نفسه
من جنت اطول بالرسايل وانساك
حارك جهازي باتصالات الگاك
ياهو المغيرك علي ياهو الوازاك
طبعك قبل ، ما بي شبه من هسه !
هسا انت مامهتملي ! مهتملك ليش
وشمعنى احبك من رحت ليهسه
حبيتك اعله الفطره مو حب اليوم
من چان حب بي حلقه ما بي ونسه !
شردت منك لگلبي ! بس دلاله
بشر ما رايد من الدنيا الـ هواي
حلمه تصير بالواقع حلاله
بشر من وكته يضحك يمه مرات
يتمناك موجود ابداله
ما قصر بوقته واتصاله
أو لا مره اختلف عنك سؤاله
ما تتعب اذا رايد تحاچي
تصفن تلگه الـ بالك أباله
والبـگلبك بلا ماتحچي گاله
ابنادم فاهمك من تسكت وياه
الحچي الما بي محبتك مو بحاله
بس تالي افتهمت السكته موضوع
وسكوتك عالرسايل هم رساله
